Jasmine已經返咗學🎒兩個幾星期喇，初初老師話佢上堂冇乜問題，但當嬸嬸幫佢換片時就有d脾氣。頭幾日真係連返到屋企都多咗發脾氣，我諗可能因為未適應新嘅生活，所以唔知點樣抒發情緒啦😞
當時我真係好頭痛，因為唔知應該點教佢好，無形中仲俾咗自己壓力😭。嗰幾日我係咁同佢講返其實嬸嬸都係想幫你換片，我哋唔應該發脾氣㗎，而係要同嬸嬸講唔該❣️
到第二日老師👩🏻🏫就話佢冇再發脾氣喇，仲好乖咁俾嬸嬸換片，媽媽立即覺得好恩惠！但係有咩辦法可以令佢持續良好表現呢🤔？
最近我哋就實行咗個獎勵計劃💝，只要老師話佢乖冇發脾氣，或放假時媽媽覺得佢乖，就會有一個貼紙，儲夠10個就可以換一份小禮物🎁或玩一次小遊戲。
自此之後，每次放學佢都會話「我今日乖呀，要貼貼紙」，我見唔算曳都會俾佢嘅😆 貼貼紙嘅過程佢都好開心，好似好有滿足感，唔知第一份禮物🎁佢會想要啲咩呢？
#Jasmine成長日記 #2yrs7mths
Search